Сьледча-апэратыўная група, якая працавала на месцы здарэньня, з залучэньнем супрацоўнікаў МНС высьветліла, што пажар узьнік у выніку падпалу, гаворыцца ў прэс-рэлізе СК, піша «Позірк».
Пухавіцкі раённы аддзел СК завёў крымінальную справу паводле ч. 3 арт. 218 Крымінальнага кодэксу (зьнішчэньне або пашкоджаньне маёмасьці, зьдзейсьненае агульнанебясьпечным спосабам, якое пацягнула зь неасьцярожнасьці сьмерць чалавека).
Сьледчыя «вызначаюць абставіны здарэньня і асобаў, якія маюць дачыненьне да падпалу».
5 ліпеня ў 23:06 у МНС паступіла паведамленьне аб пажары ў будынку, узьведзеным «для жыхарства на час будаўніцтва жылога дома».
На месцы здарэньня супрацоўнікі МНС знайшлі дзьвюх загінулых — дачку гаспадара дому (2013 году нараджэньня) і яго маці (1950 году нараджэньня).
Форум