Ужо сёньня. Нарадзіўся Янка Купала

Даты дня

7 ліпеня 1869 году нарадзіўся Лявон Вітан-Дубейкаўскі, галоўны ўрадавы архітэктар БНР. Адзін з заснавальнікаў беларускага мадэрну і нэаготыкі ў дойлідзтве. Аўтар паэтычных твораў. Пабудаваў цэрквы на Смаленшчыне, аднаўляў касьцёлы ў Амсьціславе, Воршы, Крычаве й Смалянах, спраектаваў цэрквы ў Відзах, Дрысьвятах і мноства іншых будынкаў на Віленшчыне. У 1917 годзе быў сябрам Беларускага нацыянальнага камітэту ў Менску. Выконваў абавязкі прадстаўніка БНР у Варшаве.

7 ліпеня 1882 году нарадзіўся Іван Луцэвіч (Янка Купала), клясык беларускай літаратуры, паэт, драматург, публіцыст, выдатны дзеяч беларускага Адраджэньня пачатку XX стагодзьдзя.

Таксама ў гэты дзень

1548 — у Кракаве ў Вавельскім саборы адбылося пахаваньне караля і вялікага князя Жыгімонта І Старога.

1846 — ЗША абвясьцілі аб анэксіі Каліфорніі, якая тады была часткай Мэксыкі.

1930 — выйшаў апошні нумар віленскай беларускай газэты «Сялянская Ніва».

1937 — напад японскіх войскаў на кітайскі гарнізон на мосьце Лугоўцяо (мосьце Марка Пола) недалёка ад Пэкіну. Інцыдэнт лічыцца пачаткам Другой сусьветнай вайны ў Азіі.

1944 — пачалася апэрацыя «Вострая Брама»: аддзелы Арміі Краёвай прынялі ўдзел ў баях за Вільню разам з Чырвонай Арміяй. Пазьней польскія аддзелы былі абяззброеныя і арыштаваныя НКУС.

1950 — Мікалай Патолічаў стаў першым сакратаром ЦК КПБ, фактычным кіраўніком БССР.

1972 — у Менску паставілі помнік Янку Купалу.

2000 — выкрадзены і зьнік Зьміцер Завадзкі, журналіст і тэлеапэратар.

2005 — 4 тэрарысты-самагубцы зрабілі сэрыю нападаў у лёнданскім мэтро і аўтобусах, загінулі 52 чалавекі.

У гэты дзень нарадзіліся

1796 ― Ян Чачот, беларускі паэт.

1797 — Шаміль, імам, лідэр змаганьня народаў Каўказу з расейскім уладараньнем.

1860 ― Густаў Малер, аўстрыйскі дырыгент і кампазытар.

1869 — Лявон Вітан-Дубейкаўскі, беларускі палітычны і грамадзкі дзеяч, паэт, архітэктар.

1884 — Ліён Фэйхтвангер, нямецкі пісьменьнік.

1893 ― Міраслаў Крлэжа, адзін з найбуйнейшых харвацкіх пісьменьнікаў ХХ стагодзьдзя.

1894 — Антон Борык, беларускі палітычны і вайсковы дзяяч, дыплямат Беларускай Народнай Рэспублікі, удзельнік Слуцкага збройнага чыну.

1922 — П’ер Кардэн, францускі мадэльер.

1940 — Рынга Стар, брытанскі музыка, бубнач гурту The Beatles.

1961 ― Вінцук Вячорка, беларускі навуковец і палітык, адзін з заснавальнікаў моладзевага нацыянальнага руху на пачатку 1980-х гадоў, лідэр Партыі БНФ з 1999 па 2007 год.

ГЛЯДЗІЦЕ ТАКСАМА:

Вінцук Вячорка: «Беларуская мова не палітычны інструмэнт, а спосаб выжываньня нацыі»

У памяці

1572 ― Жыгімонт II Аўгуст, кароль польскі і вялікі князь літоўскі.

1633 ― Леў Сапега, дзяржаўны і вайсковы дзеяч Вялікага Княства Літоўскага. У Лепелі, Слоніме і Астроўне Сапегу пастаўленыя помнікі.

• «Для прыстойнага чалавека няма большай асалоды, як жыць у сваёй айчыне ў поўнай бясьпецы, ні з кім ня біцца і не сварыцца і каб ніхто яго не зьняславіў ці пакалечыў або паквапіўся на яго дабро».
• «Мы павінны быць рабамі законаў для таго, каб мець магчымасьць карыстацца свабодай».

ГЛЯДЗІЦЕ ТАКСАМА:

«Памяць пра землякоў узроўню Сапегі — абарона ад «рускага сьвету»

1892 ― Ян Чэрскі, удзельнік паўстаньня 1863, беларускі геоляг і дасьледчык Сібіру, яго імем названая горная сыстэма на паўночным усходзе Сібіру (хрыбет Чэрскага).

1926 ― Антоні Ґаўдзі-і-Курнэт, каталёнскі архітэктар.

1930 ― Артур Конан Дойл, брытанскі пісьменьнік.

1942 — Яўген Ляцкi, этнограф, фальклярыст, гісторык літаратуры.

1955 — Іван Макей, народны казачнік.

ГЛЯДЗІЦЕ ТАКСАМА:

«Кожны дзень думай аб тым, што ў нас наперадзе шчасьце». Правілы жыцьця Янкі Купалы