Ужо сёньня: 115 гадоў таму кнігай выйшла паэма Янкі Купалы «Адвечная песьня», народзіны Магдалены Радзівіл

Дата дня

8 ліпеня 1861 году, 164 гады таму, нарадзілася Марыя Магдалена Радзівіл (ад нараджэньня Завіша), мэцэнатка, дзяячка нацыянальна-вызвольнага руху пачатку ХХ стагодзьдзя. На яе грошы яшчэ да 1917 году былі адкрытыя сотні беларускіх школ, выдваліся беларускія пэрыядычныя выданьні і кнігі.

Таксама ў гэты дзень

52 да н.э. — прынятая дата заснаваньня Парыжу.

1709 — Палтаўская бітва, перамога войскаў расейскага цара Пятра І над арміяй швэдзкага караля Карла ХІІ.

1796 — дзяржаўны дэпартамэнт ЗША выдаў першы пашпарт грамадзяніна ЗША.

1910 — асобнай кнігай у Санкт-Пецярбургу выходзіць паэма Янкі Купалы «Адвечная песьня».

1926 — кароль Сауд стварыў Саудаўскую Арабію.

1959 — у Маладэчне на базе Маладэчанскага абласнога краязнаўчага музэю заснаваны Менскі абласны краязнаўчы музэй

1969 — пачаўся вывад амэрыканскіх войскаў з Паўднёвага Віетнаму (завяршыўся праз тры з паловай гады).

1993 — у Менску пачаўся Першы зьезд беларусаў сьвету, які сабраў каля тысячы дэлегатаў зь дзясяткаў краінаў.

2008 — тэлеканал «Белсат» пачаў вяшчаньне са спадарожніка Sirius.

2021 — ператрус у рэдакцыі „Нашай Нівы“, арыштаваныя супрацоўнікі Ягор Марціновіч, Андрэй Скурко, Андрэй Дынько. Марціновіч і Скурко правядуць у турме 2,5 гады і выйдуць на волю. Дынько правёў на Акрэсьціна 13 сутак.

ГЛЯДЗІЦЕ ТАКСАМА:

Выходзіць ад 1906 году. Што вядома пра «Нашу Ніву», куды прыйшлі сілавікі

У гэты дзень нарадзіліся

1621 — Жан дэ Ляфантэн, францускі паэт, байкапісец.

1861 — Магдалена Радзівіл, беларуская мецэнатка.

1838 — Фэрдынанд Цэпэлін, нямецкі авіяканструктар, стваральнік дырыжабля.

1894 — Пётр Капіца, расейскі фізык, ляўрэат Нобэлеўскай прэміі.

1839 — Джон Ракфэлер, амэрыканскі прамысловец, які заснаваў нафтавую кампанію «Стандард ойл», самы багаты чалавек усіх часоў — у пераліку на сёньняшні курс багацьце Ракфэлера ацэньваецца больш як у $300 мільярдаў.

1912 — Гаўрыла Верасаў, беларускі савецкі шахматыст, міжнародны майстар, вынаходнік дэбюту Верасава.

1929 — Канстанцін Ціхановіч, беларускі графік.

1949 — Уладзіслаў Завальнюк, беларускі рэлігійны і культурны дзея, рыма-каталіцкі сьвятар, тэоляг, шматгадовы пробашч касьцёла сьвятых Сымона і Алены ў Менску.

1972 — Вольга Караткевіч, беларуская літаратарка, журналістка.

У памяці

1796 — Адам Нарушэвіч, беларускі паэт і гісторык.

1863 — Адам Пуслоўскі, студэнт, удзельнік нацыянальна-вызвольнага паўстаньня 1863–1864 гг., ахвяра расправы расейскіх калянізатараў.

1889 — Флярыян Мiладоўскi, беларускі кампазытар і піяніст.